雄心威龍內圈復課

猪拉多纳

03/08/2011
文： 法比加輝

皇家馬德里「中國之行」首戰今晚上演，作客天河體育館迎戰廣州恒大（馬會名稱為FC廣州）。恒大有「中超曼城」之稱，近兩季瘋狂燒錢招兵買馬，實力已提升至亞洲一線，現時亦在中超領頭，絕不能小覷！皇馬抵達羊城後馬不停蹄出席活動，辛苦過練波，大勝有一定難度，加輝建議捧晒「讓球主勝」及「讓球和」，恒大唔輸多過一球都有錢收。（now 632周三晚7時45分直播）


「艦隊」出騷多過練波


「銀河艦隊」喺今個夏天認真忙碌，除早前飛到美國踢咗三場熱身賽之外，又赴歐洲德國及英格蘭拍跳，如今就來到廣州，行程密麻麻都咪話唔辛苦。事實上，皇馬大駕光臨羊城，一班球星連日來都要四出出席活動，做騷多過練兵，球員狀態有幾弗？真係好難講，而廣州天氣悶熱，近日氣溫都超過三十度以上，多少會影響皇馬球員發揮。




再者，主隊廣州恒大並非「魚腩部隊」，恒大自從獲得「恒大集團」收購後，隨即變為「中超曼城」，除盡收中國國腳如鄭智、孫祥及郜林外，還豪花7,800萬港元轉會費收購阿根廷猛將達里奧干卡，此子薪酬曾盛傳世界第三，雖然及後遭恒大否認，但估計都屬球星級價錢！再加上亞援南韓國腳趙源熙，論實力及班費，恒大都稱得上屬亞洲數一數二，加上兩軍剛達成合作協議，今場隨時係畀面派對。


自製恒大受讓球半盤


而且恒大狀態亦非常之好，今季聯賽十二勝五和，仍保持不敗之身，早前更七戰全勝，直至上仗先被FC北京逼和。皇馬「讓球主客和」讓一球，受讓嘅恒大「讓球主勝」有5.2倍、「讓球和」就4.8倍，加輝建議兩瓣買晒，唔輸多過一球都有得贏，另外半場主勝有9.5倍亦可小敲。