雷恩返主場更得米

猪拉多纳

04/08/2011


今日馬會開盤嘅歐霸盃第三圈外圍賽有十三場，其實呢圈係有三十五場賽事，部分馬會冇開盤嘅賽事不乏好嘢，好似首回合大勝米特雷治嘅雷恩，返到主場預期會大勝一場，值得留意。




歐霸盃外圍賽出名蠱惑多，係歐洲足協重點調查對象，尤其涉及東歐球隊嘅賽事風險甚高，好多菠菜公司都索性唔開盤。來自格魯吉亞嘅米特雷治，首回合就有放軟手腳迹象，結果畀雷恩大勝五比二，喺自己地頭都踢成咁，今次作客情況可能更猖獗，雷恩隨時大炒對手都似！