卡拉巴克跌Watt冇仇布

猪拉多纳

04/08/2011


另一場馬會冇開盤嘅歐霸盃第三圈外圍賽阿塞拜疆卡拉巴克主場對比利時布魯日，卡拉巴克今季表現跌Watt，首回合輸緊一比四，返到主場亦無力翻身。




相信大家對阿塞拜疆球隊卡拉巴克認識唔多，其實呢班波喺歐洲菠菜界薄有名氣，佢哋近年喺歐洲賽表現唔差，○九至一○季度喺歐霸盃贏過洛辛堡，跌到一地眼鏡碎，雖然未能晉級分組賽，但已經好叻仔。




不過，卡拉巴克今季表現明顯下滑，上圈對法羅群島球隊史特梅爾兩回合都贏唔到，僅憑作客入球優惠晉級，首回合對住布魯日即時現形大敗，今場睇怕都冇運行。