巴西小虎熱炒巴拿馬

猪拉多纳

04/08/2011
文： 牛奶仔

世青盃嚟到最後一輪分組賽，E組榜首巴西聽朝將會面對弱旅巴拿馬，聖保羅雙星上場踢出身價，今次為求爭取首名出線誓帶領巴西大炒對手，1.5倍「讓球主勝」趁熱食！（開賽時間：周五早上9:00）


巴拿馬踢兩場冇波入


4屆冠軍巴西U20今屆冇選到踢完美洲盃嘅尼馬同盧卡斯洛迪古斯，陣中球星得番國際米蘭中場菲臘比古天奴最具名氣，加上首戰只能逼和埃及，令唔少人對佢哋失去信心。不過，巴西上場大勝奧地利3:0，當中聖保羅前線雙星威廉荷西同漢歷基艾美達（右圖）各入1球，更雙雙被提早換出留力今場賽事，默契、體力同質素都大有保證！




雖然巴西有後衞祖安古靴美累積2面黃牌停賽，但以本土球員為骨幹嘅巴拿馬攻擊力認真麻麻，踢咗2場分組賽都未入過波，面對勁旅巴西相信只有輸少當贏。