開鑼戰大惡過細

猪拉多纳

05/08/2011


新一季德甲今日強勢展開，揭幕戰兩大主角多蒙特同漢堡於近五屆聯賽開鑼日表現各異，漢堡係演出較出色一隊，佢哋五戰中取得二勝三和保持不敗，反而多蒙特就輸過三次，就算球隊去季奪標而回，但首仗主場對利華古遜就淨輸○比二。


首周冷味濃


而睇番近五季開鑼日數據，冷味較濃，五季共四十五場開鑼賽事，只開出十七次主勝，比率僅為37.8％；而去季全季主勝比率為46.1％。而其餘廿八場賽事，有十三場開和，而客軍勝出就有十五次，主勝、打和、客勝次數非常平均。




另外大細方面，大盤開出廿六次（57.8％），細盤則開出十九次（42.2％）。多蒙特同漢堡一樣，近五季開鑼戰兩次開大，三次開細。