史浩克小鬼踩場

猪拉多纳

06/08/2011
文： 蘇斯黑柴

德甲首輪今晚全面開打，重頭戲係史特加主場對史浩克04，史浩克新帥蘭歷克將球隊全面年輕化，已經搶去史特加嘅「青年近衞軍」稱號，喺季前表現朝氣勃勃，作客根本唔怕陣容不整兼狀態一般嘅史特加，史浩克受讓平半要捧下盤。（有線61及64台周六晚9時30分直播）




史浩克今季全面年輕化，大量年輕小將包括年僅17歲嘅天才達斯拿、外借回歸嘅19歲中場賀治比、新加盟嘅19歲希臘中堅柏柏杜普路斯、同21歲全能防守球員馬高賀查，都喺季前集訓同熱身賽贏得蘭歷克信任，今仗悉數正選上陣，目前球隊正選陣容，只有一雙星級箭頭魯爾、亨特拉爾同剛加盟嘅左閘基斯甸富治斯係超過25歲，實在青春逼人。




史浩克喺季前熱身表現出色，取代紐亞擔正嘅22歲門將費文喺德國超級盃率先彈出，憑神勇表現壓倒上季聯賽冠軍多蒙特捧盃，然後又喺德國盃以11:1狂炒坦寧根，足見成隊波已經上晒力，今晚做好準備作客踩場。


史特加態平傷兵多


史特加季前準備差得遠，佢哋並冇約戰任何有實力隊伍，熱身賽最強對手竟然只係英冠嘅諾定咸森林，最終喺德國盃首圈面對德丙球隊韋恩都只係險勝二比一，狀態難同客軍相提並論，加上陣中多名主力包括迪比亞、尼達美亞、謝赫特、舒希巴同新加盟嘅奧達爾都因傷缺陣，人腳唔齊，預期主場出擊都無力打開勝利之門。


德甲推介


史浩克04 下盤




史特加 大

哈化柏林 勝