紅鑽當起打沉勝利船

猪拉多纳

06/08/2011
文： 蘇豪

日本名將松田直樹英年早逝，當地球壇瀰漫一片愁雲慘霧，松田母會橫濱水手全軍上下深感悲痛，今周哀兵上陣作客柏雷素爾，有人話踢帛金波鬥志好，不過傷感還傷感，踢波還踢波，柏軍主場勢兇夾狼，呢場榜首大戰好睇唔好賭，不作推介。




直播賽事浦和紅鑽主場對神戶勝利船，紅鑽近期續有起色，之前射手艾美臣死火，靠晒原口元氣爭取士哥，隨住迪斯普杜域來投，前線起碼多個人用。紅鑽近八周聯賽不敗，近四戰三勝一和，總算有番多少霸氣。勝利船近六次聯賽對紅鑽贏五場，但近期聯賽六次作客輸五場，完全信唔過，寧捧當頭起，要紅鑽！（now 633及660周六晚6時直播）


前鋒櫻花「大」騷Encore


同日川崎前鋒主場對大阪櫻花，前鋒近兩場聯賽輸○比一，實在非常罕見，球隊有前冇後打死罷就，好難連續三場聯賽開細。櫻花引入巴西中場洛迪高盧比斯取代乾貴士，仍然需時磨合，但南韓猛將金甫炅狀態大勇，有力射破對手大門。雙方首循環交手踢成三比三，今次有望再上演入球騷，大盤有計！（周六晚6時開賽）


日職推介


甲府風林 大




順崎前鋒 大




浦和紅鑽 勝