國米立立亂AC攞頭威

猪拉多纳

06/08/2011
文： 朱楓

今晚北京鳥巢爆發總值5億歐元（約55億港元）嘅意大利超級盃，由AC米蘭惡鬥國際米蘭。兩隊陣容星光熠熠，逐個秤真係難分難解，但國米中場史奈達賽前突然同伊度奧鬧交，教練加斯柏連尼又死要踢343陣式，上下立立亂，AC小讓平半朱楓推介上盤！（now633台及中央5台周六晚8:00直播）




繼09年後，意超盃再次喺鳥巢上演。賽前有傳媒統計，米蘭雙雄訪華嘅49名球員，總身價達5億歐元，係意球隊史上喺海外比賽身價最高嘅一次。


國米未適應343陣式


不過國米賽前傳出兩大主將史奈達同伊度奧，喺搭飛機去北京途中因座位問題發生爭執，前者仲嬲到話唔踢意超盃，加速轉會曼聯可能，事後國米CEO保利洛亦暗示史奈達待價而沽，今場隨時係佢最後一戰。至於伊度奧呢幾日練波後都一支箭衝上車唔理球迷，明顯仲嬲緊，雙方齊齊落場隨時當對方隱形都似。




其實除咗內訌，國米本身都問題多多，新帥加斯柏連尼出名鍾情343陣式，不過國米一班球員就唔多適應，日前對住曼城就大敗0:3。但加帥仍然死撐，其中《Mediaset》同《羅馬體育報》就報道國米今晚會照踢343，仲可能叫史奈達改打防中，但最大鑊係史坦高域賽前練波受傷，今晚可能倦勤。


AC伊巴謙柏圖托弗


「紅黑軍」相隔16年後重返北京比賽，今季雖有派路離隊，但其餘人腳變動唔大，加上一對箭頭伊巴謙莫域同柏圖近況大勇，早前喺奧迪盃就包辦晒球隊3個入波，今晚絕對有力攜手射爆國米。




紅黑兵團半場硬淨

‧近3場熱身賽獲1勝2和，半場未試過落後。

‧近6次交手獲2勝1和3負，對上3次獲2勝1和。

藍黑軍意超盃常客

‧近5場熱身賽獲3勝1和1負，只得2場冇失波。

‧連續第7年踢意超盃，但近4屆只得2次成功奪標。

意超盃賽制

於北京鳥巢舉行，一場決勝負，若法定時間內打和將加時30分鐘，再和互射12碼決勝。

近5屆意超盃戰果

年份 冠軍 戰果 亞軍

10 國米 3:1 羅馬

09 拉素 2:1 國米

08 國米 2:2 羅馬 12碼國米贏6:5

07 羅馬 1:0 國米

06 國米 3:3 羅馬 加時國米贏4:3

足智彩冠軍賠率

AC米蘭1.68 倍

國際米蘭2.05 倍