借題發揮:紅跑車仲未殘

猪拉多纳

　　方嘉柏馬房部分老馬因為經歷了上季減分期，唔係有咩「依郁」，今季可會重獲新生，未必可連環發炮，但要接連交出成績唔係難，好似今日介紹嘅「紅跑車」就係嘞！

　　「紅跑車」去季跑咗20場，場數唔係少，但頭馬冇佢份，跑入前幾名亦唔係佔大多數，整體表現係比預期差好多。

　　但另一方面，不斷跑，不斷減分，「紅跑車」已由上季初84分，降至目前58分，足足有26分減幅，如果冇能力喺呢個分反擊，怕且真係唔能夠唔認老。

　　不過，「紅跑車」上季尾仍可在谷草1650米賽事後上得殿軍，末段沿內欄湧上，展示強勁追趕力，輸給頭馬「魔幻大師」唔夠3個身位，淨係以呢場賽事級數，足令佢喺四班聲大夾惡。

Jack