紅魔操到弗打吡屠城

猪拉多纳

07/08/2011
文： 力奇

被喻為史上最激烈嘅社區盾今晚爆發！已經躋身勁旅行列嘅曼城，將向同市宿敵曼聯挑戰。兩軍今夏大灑金錢增兵，其中曼城防線變動大隱憂唔小，紅魔狀態足，今戰有力屠「城」。曼聯讓平半，我捧2倍上盤！（now671台及廣東體育周日晚9:30直播）


曼城防線大執位


曼市雙雄係今夏英超使錢增兵最多嘅兩間球會，其中曼城新兵阿古路因為腳生水泡今晚會退居後備，其餘兩個新兵基捷基治同史提芬沙域則有望擔正，一個打左閘，一個打中堅，防線一口氣換咗兩個都咪話唔牙煙！要知道基捷基治上季對住曼聯都係同e道冇乜分別，「話過就過」，曼城用佢未必有着數。


曼聯冇「豆」熱身賽照贏


前線方面，泰維斯未復操，前線正選會係巴洛迪利同迪斯高，但二人查實冇乜默契，各自為戰點信得過先？




曼聯呢邊，新仔菲爾鍾斯應該未有機會落場，艾舒利楊格喺熱身賽表現已融入球隊，至於迪基亞亦夠實力做雲達沙接班人。紅魔之前熱身賽5戰全勝Fit到爆，就算話「小豌豆」查維亞靴南迪斯缺陣都冇有怕啦！