飛腳鬥黃蜂例煲魚生粥

猪拉多纳

07/08/2011
文： 九叔



大阪飛腳Vs福岡黃蜂


福岡因為响日職包艇，領隊篠田善之4日前終於被炒，改由主教練淺野哲也坐正領軍。一隊近況低迷，又陣前易帥嘅波，作客對住回勇嘅飛腳，本來唔輸有鬼，偏偏足智彩開嗰個主W有1.22倍，仲高過平均賠率，似乎有啲保留，可見主隊唔似大炒格，博「讓球和」冇壞。




查實大阪飛腳近6次主場對福岡黃蜂，雖則贏咗5場，但係有4場都係僅熟，3次只贏3:2，年初場熱身賽仲係2:1添，博吓個4.5倍「讓球和」，點都抵個1.68倍入球大吖，呢場波個大細係做3.5球，要入4球至夠數呀！


鯨魚山葉搏錘要大


有得玩首球嗰場名古屋鯨魚對磐田山葉，擺明屬於搏錘格，主隊雖然值得睇高半線，但係佢哋個龍門楢崎正剛尋日練波傷咗，防線有隱憂，同樣係1.68倍嘅入球大比飛腳嗰場更值博。（now633台周日晚6:00直播）