借題發揮：勁綵方廐先頭部隊

猪拉多纳

　　方廐上季新一批PP或PPG，其實有唔錯潛力，「駿男星」、「自由港」，俱有獨當一面之力；講到上年度新馬如「勁綵」，都有多少斤両，插四班唔會冇落腳地，尤其本身乃O'Reilly一族，與廐侶「旺國手」、「火燎腚」屬兄弟，而上述兩駒皆早被安排攻堅，那麼，「勁綵」應會行同一條路。

　　上季此駒只曾出賽1次，角逐新馬賽1200米，結果後上入Q，負於頭馬「華美之星」幾遠。賽前其操練工夫壓迫唔算太大，論表現，雖係新馬賽，唔熟練係正常，不過佢比唔熟更加唔熟，未至於由頭錯到尾，都錯咗大半，能跑入第二，好大程度係「蘊藏」豐富吧。由於此駒唔使等好耐，估計過了歇暑期，自然納入正軌，所以，季初見其跑1200至1400米，已可捧場。

Jack