乾坤大挪移：侯格辛特有態踩多史達一腳

猪拉多纳

08/08/2011
文： 渡邊年

挪超榜尾球隊史達主場迎戰侯格辛特，見唔到有任何翻身機會。史達病入膏肓，尤其後防線脆過老人家條尾龍骨，一撞就散，18場失咗37球，雖然球隊已經請咗新教練，但似乎幫助唔大。侯格辛特近況不俗，呢場作客受讓平半抵到爛，值得高度留意。（周二凌晨1時開賽）


史達後防一撞就散


挪超踢咗超過一半賽程，依家包尾嘅史達相信都難逃降班厄運，睇番對上三季包尾球隊，包括2010年嘅辛迪夫佐特、09年嘅利恩同08年咸卡，過咗賽季一半仲係包尾嘅話，全部都救唔番。




事實上，史達確係撐唔落，自從四月中之後，往後14場聯賽只係擊敗過費德列斯達，其餘和過2場，合共只取得5分，即使主場都唔見得好，過去7次主場只係贏過上述提及嘅1場，毫無主場之利可言。




侯格辛特雖然唔算叻，但始終排第7，聯賽亦兩連勝，相信可憑呢股氣勢再下一城，受讓咁着數咪錯過！