16強開戰硬撼阿根廷 埃及爆發非洲Power

猪拉多纳

09/08/2011
文： 法比加輝

在哥倫比亞舉行的世青盃進入十六強淘汰賽階段，其中阿根廷U20將要硬撼埃及U20。非洲兵團今屆表現標青，有三支球隊殺入十六強，其中埃及更加「未輸過」，就算面對大熱巴西都不落下風，加輝已認定埃及係今屆世青盃一路奇兵，捧2倍「讓球客勝」。（周三早上6時開賽）




早前喺墨西哥舉行嘅世少盃，非洲兵踢得一塌糊塗，但世青盃就剛好相反，四支非洲兵有三隊成功殺入十六強，其中尼日利亞與埃及均表現可人，分組賽保持不敗之身。其實非洲兵能夠在世青突圍絕不出奇，講真多年來都有傳聞話非洲球員最興報細數㗎啦，尤以尼日利亞最嚴重，以往球星如巴巴耶路及馬田斯都傳過虛報年齡，佢啲師弟都係有樣學樣啫，成班波隨時大人幾年，自然佔優。


巴西都咬佢唔入


事實上，埃及在分組賽中表現成熟，面對較弱嘅奧地利及巴拿馬佔盡優勢，輕鬆贏波，至於對住大熱巴西亦不失霸氣，同「森巴兵團」算打成五五波，最終一比一握手言和。




既然埃及能夠喺巴西身上搶分，贏到阿根廷又有何出奇，何況今場有得受讓，加輝捧埃及「讓球勝」。