施亞拉細盤飛數硬淨

猪拉多纳

10/08/2011


操盤手開盤係以精密計算，散戶唔容易搵甜頭。尤其係歐洲主流聯賽，操盤手掌握數據充足，盤口出現漏洞即俗稱「開錯盤」嘅可能性相對較低。所以坊間唔少職業投資者都會選擇南美市場，希望令命中率增加，特別係大細盤。其中南美球會盃賽事，施亞拉主場對聖保羅，細盤係唔錯嘅選擇。其實兩支球隊近期總入球都偏高，但今場個細盤企得硬淨，完全未受近績所影響，投資者不妨留意。


南球盃聖保羅作客未必搏


留意到施亞拉近期失球數字都幾高，但幅度已見收窄，今戰未必會畀強隊聖保羅大炒，始終聯賽同盃賽性質不同，聖保羅亦未必會喺作客環境下拚盡，形勢必定影響到入球數字。實在雙方近兩次對賽入波唔算多，今場好難有大突破。