借題發揮：飛魚駿王要贏唔難

猪拉多纳

　　高伯新馬房「飛魚駿王」，兩季以來，都未贏過1場，唔會期望轉咗馬房，能力可以出現高增值，不過，由於評分創出歷來新低，被評46分，多與少對於爭取成績起到作用。

　　上季此駒轉到伍碧權馬房，其實已有唔錯表現，13場之中前前後後7場賽事入到前四名，谷草1200米、田草和田泥也有成績交出，並沒有受到場地限制，所以，就算仲係處女馬身份，並唔係冇優點搵到。此外，由於本身係襟跑嘅馬，只要健康冇問題，以目前分數，要出頭非難事。

　　既然此駒谷草及沙田皆可勝任，部署上較易處理，不過，牠的衝力不長，不易在田草長直路突圍，還是谷草和田泥較有勝算。

　　而路程方面，「飛魚駿王」跑1200至一哩都係射程，再短啲或長啲都唔係咁啱。

Jack