撐柏林聯下盤懲奸

猪拉多纳

12/08/2011
文： Mic少

好多人話打牌可以睇到一個人嘅品格，牌品好即係人品好，踢波亦係同樣道理，球品差嘅球隊，即使贏波亦得唔到人心，如果球品差兼屎波，就更加會遭人唾棄。德乙新升班球隊特雷斯登球品非常差，上仗落後即發茅，又批踭、又鬧球證，實在惹人反感，甚至已成球迷公敵，特雷斯登今晚主場讓柏林聯平半，在情在理都撐客軍下盤。（周六凌晨零時開賽）


人腳一般未夠料讓波


特雷斯登今季聯賽3戰未開齋，明顯未夠班喺德乙立足，但球隊並冇自我反省，反而大踢茅波，上仗被格雷特霍夫攻破大門後，即變身「魔鬼隊」，先係隊長法爾向對手批踭被逐，之後射手福特鬧球證食紅牌，結果輸波又輸品。特雷斯登本身人腳麻麻，今場仲有法爾同福特停賽，實力再打折扣，試問點讓波？




柏林聯話晒係首都球隊，榮辱感較大，佢哋前早喺德國盃被低組別球隊淘汰，上輪聯賽立即大勝振聲威，表現相當正氣，短期內應仍會繼續踢爭氣波，力求挽回面子，正所謂邪不能勝正，預料對住今仗應可坐和主贏。


德乙推介


柏林聯 　　下盤




卡爾斯魯厄 　勝




波琴 　　　　細