維加泰借助「不死力量」博反彈

猪拉多纳

13/08/2011
文： 走肖

東日本地震受影響最嚴重悲情球隊，今晚進行大對決，仙台維加泰喺主場鬥鹿島鹿角，受讓平半捧得過。首先維加泰注入「不死力量」，成功借用京都不死鳥隊長迪亞高蘇沙，其次鹿角有射手興梠慎三養傷，「孖三組合」被迫拆夥，要贏唔係話咁易。（now633及660台周六晚6:00直播）




維加泰曾經喺災後造出聯賽6勝5和走勢，可惜最近打回原形，近8場聯賽得4和4負，期間有6場冇波入。高層知道唔妥，即刻借用不死鳥中場迪亞高蘇沙，佢能傳擅射，被譽為日職最佳中場之一，而且佢喺東瀛搵食多年，能夠用日語向隊友發號施令，有佢幫手，後衞角田誠停賽係小問題。


鹿角射手興梠慎三打柴


而且賽前有消息話，剛啱為北韓踢熱身賽嘅維加泰中場梁勇基，堅持要喺今場上陣，完成佢個人連續200場J League賽事上陣紀錄，鬥心爆棚。相反鹿角近排有融入唔到隊波嘅利亞拿中鋒卡路士施華離隊，射手興梠慎三又傷埋，換句話講，田代有三要同完全唔夾嘅大迫勇也合作，未必咬得入對方。