拉美拿着火 阿根廷U20摘 「葡萄」

猪拉多纳

13/08/2011
文： 牛奶仔

世青盃8強賽事聽朝喺哥倫比亞開打，奪標熱門阿根廷今仗有中場大將復出，仲有另一中場拉美拿正值大勇，要打破葡萄牙金身絕無難度，要1.85倍客勝！（開賽時間：周日早上6:00）


葡萄仔火力弱


阿根廷今屆踢出強隊水準，其中剛轉投羅馬嘅中場核心拉美拿更加撻着晒，繼首場對墨西哥一箭定江山後，上場更包辦晒2個入波，帶領球隊淘汰埃及，領隊比拿素該仗更刻意提早收起拉美拿，擺明要佢喺今戰搏殺。同時，河床中場羅拔圖佩雷拉波監刑滿，今仗可以返到正選陣容夥拍前隊友拉美拿，大大增強阿根廷中場實力。




另邊廂，葡萄牙自1995年奪季後，今年首次殺入8強。佢哋喺今屆一直未受到太大考驗，不過就平均每場都入唔到1球波，戰力實在令人擔憂，難怪足智彩依家將佢哋列為奪標第二大冷門。同時，中場拿沙卡馬拉今仗又因傷上陣成疑，葡萄牙要過阿根廷呢關，似乎冇乜機會噃。


世青盃、挪威盃賽制


世青盃及挪威盃8強採一場決勝制，如於法定時間賽和需加時作賽，再和則互射12碼定勝負。