恩華尼斯怕咗惡客流浪

猪拉多纳

13/08/2011
文： 阿當K神

今晚蘇超頭場賽事，上季冠軍格拉斯哥流浪會作客出擊，到訪正值頹勢兼有兩名後防大將缺陣嘅恩華尼斯，有望大勝一場以振聲威，要2.15倍「讓球客勝」。（now638台周六晚7:45直播）


開季3戰仲未贏過


恩華尼斯今季表現差勁，開季3場都未打開勝利之門外，更有兩場波係冇波入，上場作客新升班嘅鄧弗姆林仲賠了夫人又折兵，除咗臨完場前被逼和之外，兩名守將大衞樸達同堅尼基列特都勇戰受傷，今場未必踢得，加埋仲養緊傷嘅美京斯、李爾確斯及比利麥基，今晚被迫殘陣應戰。




格拉斯哥流浪喺開咧戰賽和上季季軍赫斯後，上輪即作客淨勝聖莊士東2球，打開今季勝利之門，總算為歐聯提早出局消消氣。睇番往績，佢哋近4次作客恩華尼斯共錄得3勝1和，合共更只失1球，再睇番呢支應屆冠軍上季作客成績仲好過主場，勝率接近8成半，今次要贏兩球以上絕非難事。