借題發揮：朝東飛駒質值二班

猪拉多纳

　　在暑假期間，一對「朝東」均轉到高伯新麾下，「朝東之星」上季已兩捷，現評36分，不高但也不低，若論形勢，在五班分量並非一等一，反之「朝東飛駒」，評分72，在此水平唔覺受壓， 亦因為此駒上季未贏過，新接手嘅高伯新，一定想早早交出成績。

　　「朝東飛駒」上季多戰無功，不過，經常喺賽事有幾好表現，有半數以上入到前列， 谷草一哩冇問題，田草1600米亦得，仲要叻在可以用放頭、守好位、留後追等跑法。

　　上季此駒在目前分數，可硬撼「家樂飛」，而跑贏「伽羅」，以呢場賽事對手嘅硬淨程度， 唔係一般三班賽，所以，唔好諗住當時只係內欄慳位先至攞到條Q。而隻馬喺筆者心目中，應該值二班中級實力，且看轉馬房後會不會揭開新一頁。

Jack