夏格維斯趕唔切倒戈

猪拉多纳

14/08/2011


西布朗將會簽下「玻璃人」夏格維斯，呢位中場喺五月尾被曼聯放棄之後，一直未有班落，但西布朗領隊鶴臣對佢情有獨鍾，堅信夏格維斯有能力繼續比賽，已向佢發出合約，只等佢簽字。雖然夏格維斯趕唔切今場上陣，但可能會喺觀眾席上倒戈為西布朗打氣。


「玻璃人」加盟西布朗


夏格維斯長期養傷，令費格遜頂唔順，乾脆放走佢，不過鶴臣唔係咁睇，話夏格維斯膝傷冇問題：「已經有專業人士證明佢膝部健康，我亦認同佢可以繼續比賽，所以基本上夏格維斯已經通過體測。」據悉西布朗高層已發出一份合約畀夏格維斯過目。




夏格維斯原本可以趕及今場披甲，但據悉佢唔想第一場比賽就要喺球場上倒戈鬥曼聯，所以會等下周先至正式簽約。