波圖翻啅甘馬雷斯

猪拉多纳

14/08/2011
文： 巨高

歐陸各地聯賽已經開打，衞冕葡超嘅波圖首輪將作客甘馬雷斯。其實兩隊上星期已喺葡萄牙超級盃對賽，波圖就以二比一取勝率先捧盃威威。今次波圖以作客身份再鬥甘馬雷斯，相信可以再贏之餘，比分差距或進一步擴大，今場博好分頭揀個「讓球客勝」。（周一凌晨2時開賽）


波圖作客照贏到


有一項強烈數據好值得提出，就係波圖近六次作客甘馬雷斯取五勝一和，五場勝利都有兩球或以上差距，賽績反映波圖喺作客環境下會更認真求勝。




今季波圖最大人事變動係少帥保亞斯轉投車路士，除此之外已經冇乜改變。南美孖寶法卡奧及侯克仍然係波圖主力，而法卡奧亦已率先續約至2015年，呢對歐霸及葡超神射手，攻力有幾強唔使多講。葡超首輪賽事無謂拗頸，揀番波圖呢支名牌實冇衰。




另外一場由費倫斯主場對國民隊，或者操盤手睇小費倫斯係支升班馬，所以作客嘅國民隊讓波。但其實大家都唔知費倫斯係蟲係龍，國民隊係唔係讓得起主隊好成疑問。始終國民隊過往都係主強客弱，今場不妨捧「讓球主勝」，費倫斯或者畀到球迷驚喜。