挪威盃二串一歎Brunch

猪拉多纳

14/08/2011
文： 渡邊年

新球季新作風，星期日《東方波經》會用輕鬆手法同大家傾波經，渡邊年亦一改筆風，同大家傾吓波經之餘亦講吓食經，實行一邊歎美食，一邊賭靚波。




星期日好多朋友都會遲啲起身，依家好興食Brunch，不過好多酒店嘅價都去到幾貴，梗係啦，又龍蝦又玫瑰香檳，渡邊年就喺圓方平台幫襯過一間意大利餐廳嘅Brunch，好食又抵食。




個Brunch係半自助餐，主菜有多款揀，意大利粉、薄餅、海鮮同扒類都有，最正係自助前菜部分，有意大利火腿同肉腸，仲有風乾牛肉，甜品款式同喺酒店自助餐一樣咁多，淨係食前菜都夠晒飽肚。


莫迪「大」維京W


嗰度仲有戶外座位，歎住陽光食個Brunch，最後搵杯Cappuccino埋尾，成個星期嘅煩惱都冇晒，度波頭腦都清醒啲。




今日渡邊年提供兩場挪威盃畀大家參考吓，費德列斯達對莫迪揀大，維京對白蘭恩就要主W，買番一舊水二串一，啱啱夠埋張Brunch單，Perfect。