向日葵得啖笑信足智彩捧不死鳥

猪拉多纳

14/08/2011
文： 九叔

做人要帶眼識人，玩波同搞波又何嘗唔係。北九州向日葵最近發現自己捉咗隻老鼠入米缸，好彩發現得「早」掟走佢，但係呢件事令人睇到佢哋幾咁唔專業，今日作客京都不死鳥想唔瓜都難，博1.85倍主勝啦。（開賽時間：周日下午5:00）


京都不死鳥Vs北九州向日葵


向日葵單嘢都幾搞笑吓，近排佢哋先至發現，今季加盟嗰個南韓後衞金水連，原來喺K聯賽涉及打假波，依家畀人越洋起訴，咁先至匆匆忙忙炒咗佢，呢單嘢令向日葵班頭頭好尷尬，公開Say Sorry之餘，仲咬牙切齒話日後响簽球員嗰陣，一定會做足情報搜集，摸清個新兵個底至簽喎。


向日葵簽打假波球員


雖然向日葵今季好似食咗春藥咁，主場有成60個巴仙勝率，依家仲爬到上日乙積分榜第5位，不過班做管理嘅人懵成咁，真係令人覺得呢隊波响各個方面，都同個第5名唔多襯。




足智彩主W全球最熱




最唔襯嘅仲有今日足智彩嘅水位，不死鳥排第17位，比尾三嘅鳥取飛翔只多1分，而且近8場波得2勝3和3負，遠遠比唔上近8戰只輸1場嘅向日葵，但係足智彩個不死鳥主W得1.85倍，係全球莊家最熱一個，向日葵客W3.75倍就係全球最冷，同啲排名、近況完全唔夾，信足智彩就梗係要不死鳥W啦。