川迪谷起勢砌賓菲加

猪拉多纳

16/08/2011
文： 巨高

荷甲川迪主場大戰葡超賓菲加，今季川迪演出對辦，無論歐聯及聯賽都交出應有水準，而今次又有主場之利，爭勝條件較賓菲加充足。賓菲加上季喺歐霸盃就踢到曉飛，但今季賣走部分主力，喺級數較高嘅歐聯就惡唔出樣，今場川迪讓平半好正路，上盤有高水值得留意。（有線64及204台周三凌晨2時45分直播）


川迪開季腳風順


賓菲加聯賽表現可謂極之失望，剛戰對住升班球隊基維辛迪都失分，睇落班波仲未谷起作戰狀態。相反川迪經過兩輪荷甲及荷超盃，比賽狀態及心理都比賓菲加優勝，預期川迪會好好把握主場之利，於首回合盡量爭取入球，上盤開出機會相當高。