「老虎」踩平聖馬田

猪拉多纳

16/08/2011
文： 九叔

阿甲新軍聖馬田聖祖安今日主場亮相，迎戰綽號「老虎」嘅堤格雷，主隊有兩件骨幹傷勢未愈，小讓堤格雷平半都有好大風險，下盤比較值博。（開賽時間：周三凌晨2:00）




聖馬田上季季尾係靠升班附加賽擊敗甘拿斯亞，先至重返闊別咗3年嘅阿甲，呢隊波向來以穩陣見稱，失波唔多，入波亦少，所以千祈咪期望佢哋聯賽第一擊會頭威頭勢，响主場狂攻堤格雷，足智彩開到個入球細得1.5倍咁熱，唔會係冇原因嘅。


堤格雷往績贏晒


咁點解唔推介入球細呢？原因係聖馬田都幾黑仔，波都未開就傷咗保加度、費達歷高樸治兩件主將，尤其嗰件過氣國腳保加度，話晒都係中場大腦，冇咗佢實會影響中前場嘅聯繫，輸埋一啲都唔奇，博對家堤格雷個下盤，隨時可以贏多啲，就算收半格都同個入球細差唔多啫。




堤格雷開季只踢咗一場波，就係揭幕戰主場打和競賽會1:1，佢哋同樣有傷兵，中場拉美路里安多數唔踢得，但係話晒「老虎」近年都係甲組分子，實力點都強過啲乙組仔，而且07至08球季佢哋兩戰聖馬田都贏波，個下盤抵博好多。