借題發揮：金榜題名低位反彈

猪拉多纳

　　正如前文所指，唔少姚廐質新馬上季但求累積多點作賽經驗，未必有硬拼意圖，表現與大眾預期有出入，但只要待成熟之期來臨，到時便可從低位反彈，追回之前浪費嘅光陰。

　　就如「金榜題名」，去季清一色跑短途，大部分係1200米途程，睇佢冇邊場真係輸到成條街咁返嚟，通常係輸畀頭馬三幾個身位左右，故此，僅得1場上名，亦唔算表現太差。

　　唔可以否認，上季「金榜題名」在6月頭，喺四班谷草1200米入P一役，係因為形勢有利關係，如果淨係睇當時紀錄，C+3欄排11檔，邊會唔蝕，須知道，當晚賽事模式係利於直路喺外叠衝，而此馬就係喺有利跑線之內。

　　但另一方面，以佢當時出腳仍硬繃繃，已可接連輸唔遠，目前40分在第五班，梗有把炮！

Jack