|
|
17/08/2011
今屆歐聯附加賽對拜仁可謂非常重要，德國傳媒認為今場波關乎到拜仁2,000萬歐元（約2.2億港元）收入，若拜仁未能打入分組賽嘅話，絕對係噩夢，所以上仗對禾夫斯堡養傷休戰嘅洛賓，亦準備隨時候命搏殺！
據德國傳媒分析，拜仁喺兩場附加賽可獲210萬歐元收入，如果打入分組賽嘅話，就可多得720萬歐元，之後每場波都有贏波獎金，又有電視轉播分紅，收入可謂相當和味。
轉播分紅少隻鬼
今屆三支出戰歐聯嘅德甲球隊，可以在電視轉播花紅分得5,000萬歐元，當中上屆聯賽冠軍多蒙特佔最多，第三名拜仁分得最少，但如果拜仁未能打入分組賽嘅話，佢哋嘅分紅就會畀多蒙特及利華古遜攤分埋，換句話說即係益咗兩支競爭對手，你話呢啖氣又點吞得落，所以德國輿論認為拜仁今仗不勝無歸！
|
|
金睛卡
发表于 2011-8-17 06:20
变色卡
显身卡