小森巴兵技壓墨西哥

猪拉多纳

17/08/2011
文： 路西法

世青盃去到四強階段，兩場準決賽都極有睇頭，路西法睇好「小森巴兵團」可贏波入決賽。巴西U20聽朝鬥墨西哥U20，巴西剛淘汰西班牙士氣直衝頂峰，而球星菲臘比古天奴、卡斯米路等都弗，對墨西哥贏得。




（周四早上9時開賽）




上仗巴西鬥「小牛」，於百二分鐘內兩度領先表現出色，其中高士路雙雄中場杜度同前鋒基比爾弗爆，前者後備入替射入二比一領先入球，後者於互射十二碼成為英雄。另外，漢歷基艾美達、奧斯卡杜斯山度士等亦好Sharp醒，巴西可謂質高態勇。墨西哥淘汰哥倫比亞表現亦唔曳，但以波論波巴西明顯高一皮，主W可取。


葡軍繼續歎「細」界


另一戰法國U20鬥葡萄牙U20，雙方踢法保守攻力麻麻，後者今個賽事五戰不敗全開細，今場受讓可捧「讓球客勝」，細盤當然亦好穩陣。