標準列治窮到得番個殼

猪拉多纳

18/08/2011


黑柴幾乎每日清晨都會同世界各地網上名家交流心得，歐陸連線首次登場，就請嚟來自比利時真特嘅老友Lokorus同來自意大利貝爾加莫嘅新朋友Achilles，同大家分析今晚幾場歐霸盃賽事，我哋商量過得到共識，認為全日重心應該放喺希爾星堡身上。




（周五凌晨2時15分開賽）




今日主力研究比甲標準列治主場對瑞超希爾星堡，標準列治今季星散，流失多名主力，兩名比利時國腳中場大將韋素同迪科分別轉投葡超賓菲加同波圖，法國U21後防大將文拉加亦被波圖撬走，球隊實力評級大跌，Lokorus認為今季比甲佢哋實力在布魯日、亨克、安德列治同真特之下，昔日豪門窮到得番個名。




標準列治今季開咧表現極曳，比超盃先輸畀亨克，跟住歐聯外圍賽畀實力平平嘅蘇黎世淘汰出局，比甲開鑼後亦賽和弱旅蒙斯同不敵真特，今仗仲有三大中場主力唔出得，摩洛哥國腳卡斯拉養傷，拜仁斯同領袖級球員雲丹美雙雙停賽，Lokorus話畀佢做教練都唔知搵邊個踢中場。


希爾星堡四連勝弗爆


對手希爾星堡係瑞典超一哥，近期喺各項賽事四連勝，勇得交關，兩名箭頭拉斯梅斯莊臣同辛甸把握力強，目前狀態同戰鬥力都在主隊之上，今仗「讓球客勝」有2.05倍相當值博。