維拉對辦劏布力般

猪拉多纳

20/08/2011
文： 張志德

球會獲大財團收購後，往往會大展拳腳，希望爭取佳績，但布力般流浪自印度財團入主後，不但冇羅致猛將，仲放走新星菲爾鍾斯，結果首戰主場輸畀狼隊，反映球隊整體實力退步咗，毫無殺傷力。布力般今晚作客阿士東維拉，細鬼睇好維拉全取三分。




（有線201及301台周六晚10時直播）


布力般退步兼老化


經營足球隊，往往不進則退，大家睇到布力般上月訪港表現，實在平平無奇，細鬼唔係話佢哋一定要學曼城瘋狂買球星，但起碼應該簽幾位新面孔，提升競爭力。而且聯賽係長途賽，好考驗球隊耐力，唔夠兵源絕對係致命傷，尤其係布力般球員老化，好似沙加度已經三十五歲，更令人懷疑佢捱唔捱到全季。




雖然維拉亦賣走達寧及艾舒利楊格，但都簽入基雲同尼索比亞，兩人表現對辦，令攻守更平衡，而且領隊麥利殊係有料之人，維拉整體實力有進步。從賠率上亦睇到雙方實力此消彼長，維拉齋W熱到只有1.6倍，開出機會高。