黑貓新兵未夾熟難捉「鵲」

猪拉多纳

20/08/2011
文： 朱楓

今晚除咗「阿利」大戰，英超早場仲有新特蘭主場鬥紐卡素嘅東北打吡。雖則「喜鵲」近期受負面消息困擾，但佢哋近年喺「東北打吡」戰績超勁，今晚作客「黑貓」絕對唔可以睇小，受讓1球朱楓撐硬1.67倍「讓球客勝」！（有線201及301周六晚7:00直播）




新特蘭今季大事擴軍，買入超過10位球員，首場作客逼和利物浦1:1，睇落表現對辦，查實喺正選陣容中，只得2位係新兵，反映啲乜？即係話班新兵未融入隊波囉！賽前領隊布魯士仲暗示之前買得太多人，依家想踢走基加隆同諾斯禾菲，加上新兵奧沙仲有傷未知可唔可以復出，絕對冇必勝把握。


紐卡素東北打吡往績靚


紐卡素近期不停受負面消息困擾，啱啱仲賣走主力荷西安歷基，但首仗仍逼和阿仙奴，表現比想像中好。賽前領隊柏杜透露今場會起用艾美奧比擔正箭頭，啱啱喺預備組復出嘅左閘沙恩費格遜同新兵馬維奧斯亦有機會上陣，陣容都幾完整，有信心今晚可以搶分。事實上，紐卡素近年喺東北打吡戰績彪炳，近35年38次喺聯賽交手，獲16勝17和僅5負，而且今晚又有2,640名球迷隨隊出征，預期紐卡素必能延續佳績！