艾夫斯堡大舉衝刺

猪拉多纳

21/08/2011
文： SAMVO肥叔

西甲賽事傾唔掂數，首周聯賽踢唔成，令唔少球迷大感失望。對於莊家而言，賽事臨時取消亦有好大影響，之前成班手足四出搵料，個個做晒功課，計掂條數開個盤出嚟，依家一句話唔踢就將所有心血白費，遲吓補賽又要重新做過。




有時真係人算不如天算，做咗咁多工夫，到頭來得個吉，不過勤做功課，將來一定有用武之地。賭波千祈唔可以懶，求其o架吓個網睇績就當度咗波，呢種做法絕對唔專業。今時今日度波要立體啲，綜合各式各樣資訊，全面而深入地分析，咁先可以提高勝算，成功必須付出努力，呢啲工夫唔慳得。




歐洲主流聯賽開咧冇耐，仍然有好多不明朗因素，今次重心推介揀番場瑞典超，西里安斯卡主場對艾夫斯堡，捧大！瑞典超進入最後衝刺階段，爭標嘅爭標，護級嘅護級，大部分球隊都有明確目標，西里安斯卡急需搶分護級，排第二嘅艾夫斯堡就要全力爭標，預計今場對攻會有唔少士哥，大盤穩陣。




（周日晚8時開賽）


狼隊飛數硬淨


同日英超賽事狼隊主場對富咸，狼隊向來畀人睇低，不過呢班波愈來愈成熟，而且主場惡到暈，今次對住富咸要讓平半，盤口硬淨到不得了，飛數絕不簡單，呢隻上盤博得過。


肥叔心水


西里安斯卡大

諾域治平手盤

狼隊上盤

緬恩斯上盤

保頓下盤