史篤城夫添圍捕「金絲雀」

猪拉多纳

21/08/2011
文： 安高

分心歐洲賽一樣踢到曉飛嘅史篤城，今晚喺英超頭場出訪新升班球隊諾域治，安高睇好佢哋可以打開新季勝利之門，事關佢哋既有穩健防守，做到穩中求勝，更重要係今仗會有以活基治為首嘅4大主力復任正選，平手盤捧1.97倍史篤城勝！（有線201及301周日晚8:30直播）




「金絲雀」上周首輪聯賽作客踢和韋根1:1，表現尚算唔差，不過重點係對手實力有限，根本未受考驗。雖則話今仗佢哋將會喺主場出戰，但遇上實力高出多少嘅史篤城，其實有多少隱憂，就算話佢哋啱啱喺利物浦簽入小將守衞丹尼爾艾耶拉，對於佢哋條英冠級數防線應該幫唔到幾多。


活基治賓納復任正選


另邊廂嘅史篤城，新季演出搶鏡，由於要兼顧歐霸盃，佢哋絕對熱夠身，至今合共踢咗4場正式比賽，錄得3勝1和佳績，唯一贏唔到嘅，咪就係聯賽開咧戰守和班霸車路士囉！要知道佢哋呢4場波都冇失波，包括守將活基治一直表現出色，而且周中對杜安首演嘅英格蘭國腳厄遜又有貨交，自然無後顧之憂。




最重要一點，安高知佢哋今仗會有包括門將比高域、中堅活基治、中場格連韋倫同賓納同時復任正選，強陣出擊，呢3分係志在必得。