伯明翰「客勝」得「米」

猪拉多纳

21/08/2011
文： 自由恒

喺剛過去嘅歐霸盃附加賽首回合，蘇超球隊都算最失威，流浪同埋赫斯都輸波，些路迪就喺主場都贏唔到，睇怕過埋本圈之後都可以全部執包袱。反觀英格蘭球隊都算犀利，連英冠嘅伯明翰作客國民隊都保住不敗，有機會拍住首回合贏波嘅富咸、史篤城同埋熱刺齊齊過關。


米堡近仗只挫弱旅


雖然唔少球迷都會覺得要兼顧歐洲賽嘅二打六，多數喺聯賽都冇運行，更何況只係打英冠嘅伯明翰，不過上季仲打緊瑞士次級聯賽嘅洛桑，居然能夠殺入歐霸盃分組賽之餘，同年更取得升班資格，證明伯明翰都有條件做到。事實上佢哋上場都唔係強陣出擊，中堅史葛丹恩同埋射手謝路美都被收起，唔怕會踢到殘。




對家米杜士堡雖然近期氣勢好勁，前鋒安尼斯更加係開季4戰都有波入，不過近排被佢哋擊敗嘅華素爾同班士利今季都係出閘脫腳，睇唔出米堡本身真係咁猛料，想喺主場擊敗伯明翰都唔係咁容易，我要1.8倍「讓球客勝」。（開賽時間：周日晚10:00）