塞圖巴爾季初打衝鋒

猪拉多纳

22/08/2011
文： ComboKing

葡超第二輪最後一場賽事，由奧漢倫斯主場對塞圖巴爾。首輪聯賽奧漢倫斯演出不俗，以作客身份打和Big3球隊士砵亭，不過今場對手塞圖巴爾狀態一樣唔差，五五波奧漢倫斯讓波唔着數，「讓球客勝」較值得留意。




（周二凌晨3時15分開賽）




塞圖巴爾近年都為護級而打拚，今季當然不敢怠慢，季前安排大量熱身賽去催谷狀態。勤操猛練下，果然收到預期效果，首場聯賽對費利拿即成功勝出。睇落塞圖巴爾已經上晒力，今場作客奧漢倫斯必定全力進攻，爭取聯賽第二W。奧漢倫斯其實喺七月尾曾經約過塞圖巴爾「拍跳」，當時兩隊打和一比一。今次再度碰頭應唔會有太大變化，奧漢倫斯要贏波唔係咁易。


哥登堡主場打骰


瑞典超方面，哥登堡主場對加費萊可捧「讓球主勝」。今季哥登堡靠晒主場攞分，對住弱隊加費萊有望大勝而回。最後奧雷布洛主場對米贊比，大盤值得留意。兩隊近期腳風極順，今場應有唔少入球產生。