杜伊斯堡受讓有「保」證

猪拉多纳

22/08/2011
文： 牛奶仔

周二凌晨繼續有德乙獨腳戲上演，主場出擊嘅聖保利雖然開季表現不俗，可惜傷兵滿營兼主力停賽，好難場場波都keep住有好表現，今晚迎戰有隊長巴查克復出嘅杜伊斯堡，一於捧2.05倍「讓球客勝」。（開賽時間：周二凌晨2:15）


聖保利多名主將缺陣


聖保利今季降班後喺聯賽表現唔錯，暫取得3勝1和保持不敗，總算叫做企得穩陣腳，不過就連續3場都有失波，防線似乎唔多靠得住。事實上聖保利雖然係超班，但就繼續有後衞森拜奴、禾斯、中場比達菲臘普域、前鋒丹尼斯拿基及艾巴斯5名主力倦勤，另外舒安基、贊卡拉、洛雲軒寧斯同達基亦有傷未必踢到，最慘係左閘沙赫頓上場被逐要停賽，啱啱响不來梅簽返嚟嗰件舒捷拿又係普通貨色，搞到可用兵源買少見少。




對家杜伊斯堡經過開季兩連敗之後，近期已經由谷底反彈，連同德國盃錄得3場不敗兼冇失波。雖然佢哋今仗有前鋒伊美祖拉繼續養傷，不過中場根歷已經復操，司職前鋒嘅隊長巴查克亦告傷愈，基本上強陣出擊，要全身而退絕對唔難。