借題發揮：勁辣椒形勢有利

猪拉多纳

　　去季姚本輝接收「勁辣椒」後，首戰差啲贏馬，如果唔係當時冇形勢喺手，要全程走外叠，其實頭馬「成功年代」追唔追到都成疑問。

　　雖然，呢個世界冇如果，輸咗就輸咗，但亦顯出練者交代心切，同埋，呢匹馬喺分數方面，的確在有利水平。

　　上季此駒跑了5場，算係少，何解出得唔密？點都係有問題，上手馬房至會咁做，所以，唔可以話隻馬一轉倉就跑得好，係因為轉馬房所致，只係啱啱遇着剛剛啫。

　　「勁辣椒」性能已定晒型，跑法上係前置，而路程方面，總認為跳唔出中短途呢個框框，不論1000米定1800米，對牠而言，的確係有一定難度。

　　另外，因前季曾在四班上名，如拾回進度，在五班打番上去都唔奇！

Jack