賓菲加川菜守細好

猪拉多纳

24/08/2011
文： 巨高

另一場歐聯附加賽次回合，賓菲加主場對川迪。首回合兩隊打和二比二，賓菲加有兩個作客入球在手，今次冇必要向川迪搶攻，預料賓菲加今場會以防守為先，力保首回合優勢繼而晉級分組賽，故細盤開出機會較高。（有線64及204台周四凌晨2時45分直播）


教練擅穩守突擊


單睇賓菲加喺聯賽演出，似乎唔覺得佢哋識踢防守足球，不過聯賽與兩回合淘汰制玩法完全唔同，賓菲加教練謝素斯以前執教布拉加時，最出名就係打穩守突擊，今次運用喺賓菲加身上絕唔出奇。賓菲加後衞安達臣雷沙奧及加雷都甚有質素，要頂住川迪攻勢唔係難事，再加上葡萄牙首席門將伊度亞度回流把關，更令人對賓菲加後防有信心。




雖然川迪季初氣勢強勁，但首回合主場領先下都畀賓菲加入到兩粒，證明兩軍級數有別，作客要射破賓菲加唔容易，一於捧細盤。