借題發揮：正黃旗谷草新出路

猪拉多纳

　　姚本輝馬房三班馬「正黃旗」，兩季以來，入圍次數好少，只得兩次，但見前季在出賽第2仗，已可在二班與「雅雪」埋Q，當時佢評85分。而去到上季，唔單止在二班冇運行，落到三班初期依然冇乜表現，轉到谷草一哩，先至上到名。

　　由於上季曾經有一大輪冇跑，因受到腳傷困擾，或者係此緣故，令到佢上季成績普普通通。

　　但另一方面，「正黃旗」喺谷草一哩，連番追得勁，絕對唔係嘢小，因牠能在C及C+3欄克服到不利環境，少啲本事嘅話，邊有可能喺直路收復咁多失地。

　　既然「正黃旗」上季搵到谷草呢條出路，本身跑田草1400米又得，今季喺選擇路程方面有得揀，以佢目前分數，如腳冇事，三班打開勝門，指日可待。

Jack