流浪快馬半場搞掂

猪拉多纳

25/08/2011


又到歐霸盃賽事，今次請嚟兩位資深球評人，當中綽號「菠菜醫生」、來自斯洛文尼亞嘅Macot係黑柴偶像，佢廿年來一直為歐洲菠菜公司網站負責資料庫，近年兼職球評人成績斐然，喺年半前毅然辭去工作，開設收費服務網站betdoctor.net，全職做球評人。今晚斯洛文尼亞球隊馬里博爾有份出場，當然要問吓佢意見。




Macot今晚主打係蘇超格拉斯哥流浪主場對斯洛文尼亞馬里博爾（周五凌晨2時30分開賽），雙方無論級數同經驗都有一段差距，不過高一班嘅格流首回合狀態麻麻，馬里博爾喺半場落後一球之下，憑完場前最後一擊喺主場反勝2:1，爆出半冷戰果。不過嚟到次回合作客蘇格蘭，Macot認為馬里博爾好難維持勝果，格流晉級機會始終較高。


馬里博爾欠大賽經驗


馬里博爾首回合因為太尊重對手，上半場踢得相當亂，先輸一球十分合理，但格流領先後不思進取，至畀馬里博爾有機可乘。主場贏波當然可以提升馬里博爾球員士氣，不過佢哋原本輕裝上陣毫無心理壓力，如今有出線機會反而會增加包袱，球員欠缺大賽經驗，從未試過喺五萬敵對球迷面前比賽，初段陣腳未穩隨時又先失守。




格流始終贏級數，賽前消息話今仗陣容會較完整，今仗反客為主，喺落後情況下必然一開賽就急攻。由於格流只需要贏1:0就可以晉級，今場唔建議大家捧「讓球主勝」，1.45倍主Ｗ係過關重心，若嫌賠率乏味，心水推介係2倍「半場主勝」。此外，Macot全日提供一條三串一過關，除咗格流主勝外，亦可以兼顧燕豪芬「讓球主勝」同史篤城入球細。