漢諾威着火唔怕西維爾

猪拉多纳

25/08/2011
文： 力奇

熱身賽踢到幾巴閉都冇用嘅，西維爾季前賽踢6場得5勝1和，點知一嚟到歐霸盃附加賽，作客德甲漢諾威竟輸1:2，礙於西甲罷工狀態仲未提升，今晚佢哋想反勝恐怕有心無力，捧2.55倍「讓球客勝」。（開賽時間：周五凌晨3:05）


西維爾冇態讓唔起


首回合西維爾已經係強陣出擊，雖然對手漢諾威唔算係德甲頂級隊伍，但都畀到佢哋唔少麻煩。簡路迪嘅入波雖然一度幫西維爾追平1:1，可惜全場都係畀舒拿達夫2個入球搞掂。最慘係西維爾想搵賽事提升狀態，卻又撞正西甲玩罷踢，開咧日期一拖再拖，新兵始終未完全融入球隊，認真大鑊。




漢諾威季前冇乜大手買賣，但反而有個好開始，連同盃賽同聯賽計，踢咗5場竟然取得4勝1和佳績，上輪聯賽畀哈化柏林逼和1:1，都只係完場前7分鐘先失守。球隊狀態起得唔錯，最重要係佢哋得分點都算多，前鋒舒拿達夫、艾度拿奧爾、沙治奧賓度同拉殊都話開晒齋，今仗若然漢諾威肯專心打穩守突擊，西維爾都咪話唔頭痕。




首回合：西客負1:2