借題發揮：信賴評分着數

猪拉多纳

　　「信賴」上季在胡廐有馬贏，但跑多1場再轉到姚本輝馬房，內裏咩原因，唔多清楚，不過，轉倉後暫時仍未有起色，評分係咁有減冇加，目前去到43分，差唔多落得五班。如果幕後真係夠耐性，減埋嗰3分，大有虎入羊群嘅感覺！

　　上季此駒轉馬房後，唔係冇過走勢，曾經兩次追入前幾名，但陣上經常際遇唔好亦係事實，如果唔係冇運，根本喺總場次611有權贏埋，當時直路唔係一阻再阻，至少會有P。雖然話上述賽事水準好普通，頭三名係「大地王者」、「音樂家」和「寶德」，如果「信賴」末段唔係冇窿捐，阻遲咗衝刺時間，「唧」嗰段應該會更加勁。而現年8歲嘞，老就老啲，但比起上季初出即上名時，足足少咗10分，所以，已有利可圖，老馬季初或早用早着，等唔等落班，可能兩睇。

Jack