哈化搶開齋大起史特加

猪拉多纳

26/08/2011
文： 蘇斯黑柴

德甲獨腳戲首都球會哈化柏林主場迎戰史特加，哈化近況不俗人腳亦較完整，但主場演出不及客場，面對質素較佳但防線人腳唔齊嘅史特加，可以話係互無把握之戰，基於雙方前線都有不俗狀態，建議小敲1.72倍入球大。




（有線62及202台周六凌晨2時30分直播）




哈化經過首輪不敵紐倫堡後，近兩場聯賽漸入佳境，作客接連賽和漢堡同漢諾威，形勢上都佔得上風，不過黑柴上輪賽前已講過，哈化向來客強主弱，喺德甲已經連續十七場主場賽事未贏過，上次贏波已經係超過兩年前嘅事，今場平手盤亦捧唔落手。




考慮到佢哋進攻線近期表現活躍，兩大主力拉菲爾基達奴同阿祖安拉莫斯威脅力強，至今未開齋只因頻頻中楣中柱，只要腳風轉順，加上技術同輸送兼備嘅端尼杜倫同艾拔支援，今季入球唔會少。哈化少帥巴布賽前聲言力爭今季首捷，今仗必然採取主動搶攻。


史特加防線不整


史特加教頭拉巴迪亞亦係進攻支持者，而史特加一班小將亦似乎好適應佢嘅踢法，今仗面對主場蟲當然唔會放過爭勝機會，只可惜佢哋防線陣容嚴重不整，守將尼達美亞、畢卡錫同隊長迪比亞都因傷缺陣，另一後防主力保拿奴斯上仗被逐要停賽，防線只能地莊上陣。