阿積士翻嗒維迪斯洩憤

猪拉多纳

26/08/2011
文： 牛奶仔

上場痛失2分嘅阿積士今晚返到主場出擊，遇上「作客蟲」維迪斯，勢必攞對方嚟做出氣袋，信往績要1.5倍「讓球主勝」。（now639台周六凌晨2:00直播）


維迪斯對賽輸晒


阿積士上場作客芬洛，喺先失2球之下最終逼和對手，當中2名新兵特奧贊臣同史基賀臣再次成為入波功臣，史基賀臣更連續2場有波入，狀態大勇。睇番兩軍近4次交手，阿積士全部贏晒之餘，平均更入到3.5球，鋒力絕對有保證！




維迪斯雖然取得2連勝，但2場都喺主場出擊兼對手實力麻麻。事實上，維迪斯作客一向腳軟，佢哋近10仗客戰錄得1和9負，即使主場幾掂都係假！維迪斯啱啱分別由阿積士同史浩克，簽入中場真雲達希頓同安蘭，不過預料2人今仗會先任後備，睇怕幫助都唔大咯。