升班雙雄大收旺場

猪拉多纳

27/08/2011
文： ComboKing

今日阿King對英冠賽事好有興趣，其中升班球隊對碰，白禮頓主場惡戰彼德堡，唔驚冇波入。彼德堡上仗英聯盃開細令「大盤客」叫苦連天，但盃賽唔同聯賽，今次主力盡出肯定重現火力。白禮頓愈踢愈順，大勇馬卡爾史密夫倒戈有睇頭，大盤好路！




兩軍今季升上英冠，表現遠較預期好，其中彼德堡主場贏過葉士域治七個一皮，盡展強橫攻力。球隊本季四場聯賽全部開大，上次盃賽開細睇怕只係偶一為之，大盤客千祈唔好放棄佢哋。對家白禮頓仲叻仔，開咧後六戰四勝二和，佢哋攻力亦非常犀利，其中馬卡爾史密夫上季就係彼德堡升班功臣，佢對舊會打法瞭如指掌，而且狀態又弗，兩軍對撼勢演入球騷，捧大。


樸茅做東歎慣「細」界


另一戰樸茨茅夫主場對卡迪夫城就相反，捧細。樸茅不擅主攻，於主場周時老鼠拉龜，本季主場三戰均開細，而卡城作客亦會打守勢波，開咧後作客未開過大，今場追細。瑞典超特利堡主場對咸史達斯，客軍目前只得十分，再唔急起直追就降梗班，近期已豁出去大打進攻足球，早前對諾高平曾開過五比四大波膽。特利堡於主場同樣入得失得，今仗追大！