黑池落英冠虎入羊群

猪拉多纳

27/08/2011
文： RICHARD WELBING

操盤手好多時都會研究各級聯賽差距，而對於投資者嚟講就更加有幫助，尤其盃賽場合多由各級別球隊進行大混戰，如清楚了解各級聯賽實力，必有助提升盃賽場合命中率。就以英倫為例，英冠及英甲水平差距唔大，好多英甲球隊升班之後，總能在英冠交出好表現，今季於英冠作賽嘅彼德堡及白禮頓就係最佳例子。而我哋亦見唔少英甲球隊，一樣可以喺盃賽淘汰英冠代表。相反，英冠與英超嘅鴻溝就相當之闊，英冠球隊好多時都唔能夠適應英超急速節奏，比賽期間許多時都被迫退縮後形成全場受壓，體力嚴重消耗最終落得慘淡收場。


作客唔赦水晶宮


至於今日會同大家研究一場英冠，由水晶宮主場對黑池。上季黑池於英超大打進攻足球，表現惹人好感。無奈攻守未見平衡，後防失誤大大影響到成績。如今降落英冠比賽，黑池當然可重新睇好。始終經過一整季英超打磨後，球員於技術層面及心理質素都有所提升，就算作客亦不能小覷。其實從盤口亦反映出莊家對黑池有多少信心，留意到水晶宮唔單止佔得主場之利，近績亦較黑池優勝。但今場開出平手盤黑池竟然低水。睇形勢黑池今場坐和望贏，平手盤可留意。（now 638周六晚10時直播）