華倫冇發電機大唔起

猪拉多纳

27/08/2011
文： 牛奶仔

連續兩季西甲老三華倫西亞今季進行大換血，日前更有主力桑馬達離隊，一班新舊攻擊球員仍有待磨合，今晚場開咧戰於主場迎戰有神奇教練走人嘅桑坦德，不妨敲2.02倍入球細。（now632及660台周日凌晨2:00直播）


新兵未融合表現飄忽


華倫西亞雖然留得住首席射手蘇爾達杜，可惜中場發電機桑馬達日前終於轉投車路士，加上祖亞昆同文奴費南迪斯兩名中場主力亦早已他投，令「蝙蝠軍團」成條中場線唔同晒樣。至於新加盟嘅簡拿利斯、皮亞堤同柏利祖，仲未完全融入隊波，難怪華倫西亞喺季前熱身賽表現飄忽。




桑坦德上季出乎人意躋身中游，不過當中唔少功臣都分別因借用期滿而離隊，神奇教頭馬些連奴更加主動辭職，由前國際米蘭教練古柏接任。預料自知技不如人嘅桑坦德，今次作客出戰會踢得更加保守，希望趁主隊班波未夾熟乘機搶分。睇番兩軍近6次交手全部開入球細，咁好路梗係追得過啦。