朴主永傳入「廠」

猪拉多纳

28/08/2011


「兵工廠」搶走南韓國腳朴主永！




據法國《隊報》爆料，効力法甲摩納哥嘅朴主永原本傾掂數加盟里爾，但尋晚體測前突然玩失蹤，里爾會長施度克斯怒斥阿仙奴攔途截劫。


同皇馬爭購尼安


雲格終於出手，不過剛代替法比加斯榮升隊長嘅尹佩斯，早前接受訪問時，就唔滿意領隊雲格放走主力，但又唔肯簽球星補充實力，更公開逼宮呼籲雲格買人，可能佢唔知雲格正密斟緊朴主永。




雲格現時表面上策略係繼續向小將埋手，盛傳睇中法甲卡昂十六歲前鋒尼安，但皇馬已準備用1,100萬歐元買佢，睇怕「兵工廠」都係唔夠爭。




另外，雲格一直想買保頓後衞加利卡希爾，但出手低只肯畀600萬鎊，結果惹來保頓嘲諷，可能就係佢決心向朴主永埋手嘅原因。